Болните од цистична фиброза ќе одржат протест денеска во 12 часот пред Владата во Скопје. Граѓаните кои боледуваат од оваа болест со месеци се оставени без потребната терапија и апелираат до Владата да ги набави лековите.
– Здравјето и животот на група млади луѓе се нешто на кое не смее да се става цена и не смее да се игнорира! Ние имаме право на лек, а тие обврска да ни го обезбедат! Дојдете и поддржете нè, да ни се даде здивот кој ни недостига! – апелираат од Асоцијација за цистична фиброза.
„ВАЖНО Е КАКО, А НЕ КОЛКУ ЌЕ ЖИВЕАМ“: ИВАНА, ДЕВОЈКАТА СО ЦИСТИЧНА ФИБРОЗА ШТО ГИ ИСКАЧИ АЛПИТЕ
Нивните барања се:
1. Право на модулаторна терапија за сите пациенти со цистична фиброза. Државата ВЕДНАШ да обезбеди средства за воведување на модулаторна терапија по принципот на сите европски и балкански држави, со соодветен план и стратегија за опфаќање на целата популација која е заболена од оваа ретка болест.
2. На Клиниката за пулмологија и Клиниката за детски болести да се создадат услови за лекување на пациентите според протоколите за лекување на оваа состојба со формирање на стручни тимови и соодветни и стандардизирани услови за хоспитализација.
3. Фондот за здравствено осигурување да обезбеди медицински помагала кои се неопходни за секој пациент во секојдневната терапија а тоа се:
– Инхалатори со висок степен на дифузност, по препорака на доктор специјалист.
– Пеп/Флатер за физикална терапија.
Граѓаните што не се од Скопје, а сакаат да им дадат поддршка да им се обратат на лицата за контакт:
Куманово – Марјан 078 456 036
Тетово – Елмир 071 319 194
Велес – Лидија 075 350 195
Штип – Елена 078 354 693
Берово – Игор 077 490 953
Битола – Дарко 076 528 733
Прилеп – Сашко 077 535 500
Кочани – Мартина 075 838 602
Охрид, Струга, Ресен, Кичево и Дебар – Боби 070 331 782
